काठमाडौं ।हरितालिका तीजको उल्लासमय अवसर पारेर नेपाल भेटेरिनरी एसोसिएसनले आयोजना गरेको विशेष शुभकामना आदानप्रदान तथा भेटघाट कार्यक्रम राजधानीमा सम्पन्न भएको छ ।

कार्यक्रम संयोजक डा.साधना घिमिरेको सञ्चालनमा सम्पन्न कार्यक्रममा एसोसिसनका अध्यक्ष डा. केदार सुवेदीले अध्यक्षता गरेका थिए भने डा. गणेश रानाभाटले स्वागत मन्तव्य राखेका थिए।

यस अवसरमा प्रमुख अतिथिका रूपमा नेपालकी पहिलो महिला भेटेरिनरीएन डा. पूर्णिमा मानन्धर तथा विशिष्ट अतिथिका रूपमा डा. सम्झना कुमारी काफ्ले सहभागी रहनुभएको थियो। उहाँहरूले तीज पर्वको सामाजिक तथा सांस्कृतिक महत्व र महिला भेटेरिनरीएनहरूको योगदानबारे विचार व्यक्त गर्नुभएको थियो।

डा.सुलोचना श्रेष्ठ, डा.निना अमात्य गोर्खालीसहित ७० भन्दा बढी महिला भेटेरिनरीएनहरूको सहभागिता रहेको कार्यक्रममा औपचारिक सत्रपछि नाचगान, रमाइलो र सांस्कृतिक प्रस्तुतिहरूमार्फत तीज पर्व उत्साहपूर्वक मनाइएको थियो।