काठमाडौं | वैशाख १३ (अप्रिल २६) — हरेक वर्ष विश्वभर मनाइने विश्व भेटेरिनरी दिवस नेपालमा पनि विभिन्न चेतनामूलक तथा पेशागत कार्यक्रमहरूमार्फत आज भव्य रूपमा मनाइँदैछ। नेपाल भेटेरिनरी एशोसिएसन (NVA), पशु सेवा विभाग, निजी क्षेत्रका संस्थाहरू, तथा पशु चिकित्सकसँग सम्बन्धित शैक्षिक प्रतिष्ठानहरूले देशभर विभिन्न कार्यक्रमको आयोजना गरेका छन्।

दिवसको अवसरमा प्रदेशस्तरका पशु अस्पतालहरू, भेट क्लिनिकहरू तथा क्याम्पसहरूद्वारा निशुल्क पशु स्वास्थ्य शिविर, स्कुलस्तरमा जनचेतनामूलक कार्यक्रमहरू, रेडियो तथा टेलिभिजन अन्तर्वार्ता लगायतका गतिविधिहरू आयोजना भएका छन्।

ग्रामीण भेगहरूमा समेत मोबाइल शिविरमार्फत निःशुल्क उपचार, परामर्श सेवा तथा औषधि वितरण कार्यक्रम सञ्चालनमा आएका छन्। यस्ता गतिविधीहरूबाट किसान, पशुपालक तथा समुदायलाई प्रत्यक्ष लाभ पुग्ने विश्वास आयोजक संस्थाहरूले व्यक्त गरेका छन्।